看文字，聽音檔，想像出畫面，跟著說幾次，熟練到背起來。
下載PDF：https://tinyl.io/4Qer
六、表達
表達 - 01 空間
1 你去學校个時務，係仰子去？會用着麼个交通工具？
𠊎 會用着 鐵馬，𠊎 騎鐵馬 去學校。
2 你䀴着有一個目珠無䀴个人，在遐等青紅燈，你會用仰子拁佢鬥相共？
𠊎 拁佢講 這滿 係 青燈 抑係 紅燈，擱問 佢 愛鬥相共無？
3 這跡位泥下溼溼，有人堵好討行過來，你愛仰子提醒佢咧？
𠊎 會 拁佢講 這跡位 泥下溼溼，行路 愛 寬寬行。
4 你䀴着你个同學烏白擊垃圾，請問你愛仰子做正較好？
𠊎 會 拁佢講 垃圾桶 在哪位，請 佢 拁 垃圾 撿起來。
5 你去圖書館，尋無想討借个書，你愛仰子拜託櫃臺个人拁你鬥相共咧？
你好，𠊎討 借 這本書，毋過 尋 無，請你 鬥相共 尋。
6 你討去圖書館，毋知路，你會仰子問人？
你好，𠊎 討去 圖書館，毋過 毋知路，請問 愛仰子行？
7 阿雄蹛病院啊，你想討去䀴佢，你會仰子問厥屋下人？
請問 阿雄 蹛 哪間 病院，病房 幾多號，𠊎 想討去 䀴 佢。
表達 - 02 飲食
1 伯婆跌倒入院，你擐果子去病院䀴佢，你會拁佢講麼个？
伯婆，這兜 果子 得你食，你 有較好無？
2 你和阿依去夜市，想討食三件物件，愛仰子拁阿依講？
阿依，去 夜市，𠊎想討食 炒麵、炕肉、臭豆腐。
3 阿依講暗夜無煮飯，討買轉來食，問你愛食麼个。你會仰子拁阿依講？
阿依，𠊎想討食 炒麵，請你 買轉來。
4 你想討啉珍珠奶茶，請阿怙下班个時順續買轉來，你愛仰子打電話拁阿怙講？
阿怙，𠊎 想討 啉 珍珠奶茶，請你 下班 順續 買轉來，會用
5 你頭佮意食麼个菜？做麼个佮意食佢咧？
𠊎 頭佮意 食 客家小炒，因為 客家小炒 真香、真好食。
6 有人真愛食臭豆腐，你自家个感覺係仰子？請講出你个感覺。
𠊎 嘛 真愛食 臭豆腐，因為 臭豆腐 真香、真好食。
7 你頭愛食个惜圓係哪種？做麼个頭愛食這種咧？
𠊎 頭愛食 鹹鹹 个 惜圓，因為 惜圓 鹹鹹、真好食。
8 討去野餐啊！你會想討抸兜麼个食个、用个、抑係賞个物件？試講䀴望。
𠊎 會 準備 果子、翕相機 和 風吹。
9 班上討舉辦同樂會，你負責食个和啉个物件，你會買麼个物件？
食个 𠊎 會 買餅，啉个 𠊎 會 買 汽水。
10 韶日討去動物園校外教學，請問你會做哪兜準備？
𠊎 會 準備 錢、茶、雨傘 和 翕相機。
11 後禮拜即討去三日兩夜个畢業旅行，你打算討準備哪兜物件咧？
𠊎 會 準備 錢、茶、雨傘 和 翕相機。
表達 - 03 金錢
1 你想討買西瓜，會仰子拁頭家娘問價數？
頭家娘，請問 西瓜 仰子賣，一斤 愛幾多？
2 你普通時會去便利商店做麼个事情？請你講䀴望。
𠊎會去 便利商店 買 啉个、借便所、吹冷氣。
3 你和阿公阿媽作垺討轉苗栗。你在臺北火車頭買票，會仰子拁賣票个人講？
你好，𠊎討買 三張票，討去 苗栗，兩張 老儕票，一張 學
4 你姊妹三儕討去䀴下晝兩點个電影，買票遐下，你愛仰子講正清楚？
你好，𠊎討 買 三張票，下晝 兩點 个 電影，勞力。
5 在便利商店，你提十箍去買八箍个物件，毋過店員無找錢，你愛仰子拁佢講？
歹勢，你 猶吂 找錢，你 愛擱 找 𠊎 兩箍。
6 你討買豆油，嗄買着烏醋轉屋下。你愛仰子拁店員講討換貨？
歹勢，𠊎 買 毋着啊，𠊎討 買 豆油，嗄 買着 烏醋，會用換
7 你正買个故事書少一頁，討轉去書店換過，你愛仰子拁頭家講？
頭家，歹勢，𠊎 買 个 這本書，少一頁，會用換無？
表達 - 04 生活
1 在屋下，你會鬥相共做哪兜事？有哪件係你做到頭好个？
在屋下，𠊎 會 掃泥下，捽桌崠，洗碗箸，𠊎 掃泥下 做到
2 失電个時務，除了提手電以外，你猶會做麼个？請你講䀴望。
失電 个時務，𠊎 擱會 點蠟燭，嘛會 提 手機 來 照。
3 上課遐下，坐隔壁个同學無抸着課本，愁到唩出來，你會用仰子拁佢鬥相共？
𠊎 拁佢講 毋使擘心，課本 𠊎 會 和佢 相共䀴。
4 阿依喊你去買物件，行到市場嗄毋記得討買麼个啊，你會打電話轉去仰子問清楚咧？
阿依，歹勢，𠊎 添放 愛 買麼个物件 啊，請你 擱 講一擺。
5 你个數學課本添放提來學校，打電話轉去拜託屋下人送來，愛仰子講？
阿依，歹勢，𠊎 添放 提 數學課本，請你拁𠊎 鬥 提來學校
6 上體育課添放著運動鞋來學校，你愛仰子處理？
𠊎 會 打電話 轉去屋下，請 屋下人 提 運動鞋 來學校。
7 請你簡單紹介你睡个間房係仰子个？有哪兜物件？
𠊎个 房間 真大間，有 書桌、眠床、冷氣。
8 你頭愛䀴个電視節目係麼个？仰子會佮意這個節目咧？
𠊎 頭佮意 䀴「 客家電視臺」，因為 會用 學着真多 客事。
9 請問你頭想討得着个係麼个生日禮物？做麼个頭想討得着這個禮物咧？
𠊎 想討愛 一臺電腦，因為 會用 學真多 物件，嘛會用 賞。
10 你頭愛䀴个一本書係麼个？仰子會佮意這本書咧？
𠊎 頭愛䀴个 書 係 西遊記，因為 真心色，真好䀴。
11 𠊎真佮意茄色，像葡萄即係茄色个果子。請問你佮意麼个色咧？請你講出兩件遐款色个物件。
𠊎 頭佮意 紅色，像 紅色 个 蘋果 和 紅色 个 燈籠花。
12 你頭佮意个花係麼个？做麼个佮意佢咧？
𠊎 頭佮意个 花 係 燈籠花，因為 燈籠花 紅紅，真靚。
13 若係講你有機會出國，你頭想討去哪個國家？做麼个會擇這個國家咧？
𠊎 頭想討去 日本，因為 日本 真靚、真淨俐。
14 臺灣有真多好尞个所在，你頭想討去哪位尞？請簡單講出你仰子會想討去遐位。
𠊎 頭愛去 阿里山，因為 阿里山 真靚，空氣真好。
15 對年頭到年尾，有真多節日，請講出三個你頭愛過个節係麼个。
𠊎 頭愛 過年、五月節 和 八月半。
16 你頭佮意个節日係麼个？做麼个會佮意這個節日咧？
𠊎 頭佮意 八月半，因為 會用 炕肉、食月餅、食柚子、䀴
17 八月半䀴月光，你个屋下會做哪兜活動咧？
八月半，𠊎个屋下 會 炕肉，食月餅、食柚子、䀴月光。
18 屋下人討共下出去尞，除了檢查瓦斯有關莫無，請問猶愛注意哪兜事情咧？
猶愛注意 電火、窗子門 有關無。
19 你晨早起來了後，討出門進前會做哪兜事情，請你講出四件。
𠊎 會 洗面、洗牙、換衫褲、食晨早。
表達 - 05 健康
1 熱天个蚊恁多，除了用電蚊拍以外，你猶會仰子處理？
𠊎 會 掛 蚊幮，即毋驚 得蚊叮着。
2 你洗浴洗到一半嗄無燒水啊，你愛仰子做正好咧？
𠊎 會先 拁 身體 捽捽个，正毋會寒着。
3 落雨天，你个同學阿松行路得車噴着水，衫屙糟去啊，足氣个！你會講麼个事來安慰佢？
𠊎 拁佢講 你 有仰子無？較緊 轉去 換衫，正毋會寒着。
4 放學个路上，你䀴着一個阿婆跌倒，扶佢去診所膏藥，無抸着手機，害阿依在屋下直直等。轉去你愛仰子拁阿依說明？
阿依，歹勢，𠊎 扶 一個 跌倒 个 阿婆 去 膏藥，正會 較慢轉
5 你寒着去得先生䀴，先生普通會拁你做麼个檢查？問你哪兜問題？
醫生 會 檢查 𠊎个 喉嗹，度燒，問䀴望 有 流濞、咳嗽 無？
6 阿弟跌倒啊，在遐直直唩，你會做麼个事情來拁佢鬥相共咧？
𠊎 會拁 阿弟 牽起來，問 佢 有仰子無？愛 膏藥 無？
7 你阿女个牙蛀壞去啊，毋敢去牙科得先生䀴，你會仰子勸佢？
牙 蛀壞去啊，愛得 醫生 䀴，正毋會 無牙 好食飯。
8 你阿弟寒着直直嗽、又毋戴嘴揞，口涎水噴到滿哪位，你會仰子勸佢咧？
阿弟，寒着 愛戴嘴揞，保護自家，嘛 保護別儕。
表達 - 06 休閒
1 歇睏日有个人佮意出去尞，有个人較愛在屋下歇睏，啊你咧？你會做麼个？請你用幾下句事講出來。
歇睏日，𠊎 佮意 去打球，抑係 去 圖書館 䀴書。
2 請講出，你和你頭好个朋友輒輒共下做哪兜活動。
𠊎 和 頭好个朋友 共下 打球、跳索。
3 請用幾下句事講出你頭愛个三種運動。
𠊎 頭愛 去 打球、跳索 和 泅水。
4 下課十分鐘，請問你會做哪兜事情咧？
下課 十分鐘，𠊎先 去便所，正 和 同學 去 打球。
5 朋友做生日，講討請你食飯，你想討送佢麼个禮物咧？做麼个想送這個禮物咧？
𠊎 想討 送佢 一粒球，因為 佢 真愛 打球。
6 若係講你通過客語認證，有一千箍个獎金，你想討用獎金做麼个？請你講䀴望。
𠊎 想討買 一粒球，因為 𠊎 真愛 打球。
7 你在體育課學着哪兜運動？你頭佮意个係哪件？
𠊎 學着 打籃球、跳索、閃避球，𠊎 頭佮意 打籃球。
8 學校有真多課程，你頭佮意麼个課？做麼个會佮意這門課呢？
𠊎 頭佮意 體育課，因為 𠊎 頭佮意 打籃球。
表達 - 07 動物
1 阿明个貓嫲降啊，想討分你一隻細貓么，你會仰子回答佢咧？
阿明，歹勢，𠊎屋下 毋會用 供貓！
2 若係有可能，你頭想愛變做哪種動物？做麼个會擇這個動物咧？
𠊎 想討變做 一尾魚，因為 魚 會用 在 水底 泅來泅去。
3 若係講你討供魚，你會仰子照顧佢？請簡單說明。
𠊎 會先 買 一個 魚箱，逐日 飼 佢 食，擱會 照時間 換水。
4 阿明个狗嫲降啊，你想討分一隻來供，愛仰子問屋下人正會用？
阿依，阿明 个 狗嫲 降 啊，𠊎 想討 分 一隻 來 供，𠊎 會 好好
5 若係講你討供一隻狗，你會仰子照顧佢？請簡單說明。
𠊎 逐日 會 飼 佢 食，牽 佢 出去行行个，和佢賞。
6 有麼个動物抑係蟲係你頭驚个？做麼个會驚佢咧？
𠊎 頭驚 蛇，因為 蛇 有毒。
7 你在路上䀴着一隻流浪狗，瘦擱屙糟，真苦憐！請問你愛仰子做正較好？
𠊎 會 打電話，請 消防隊 个 人 來 鬥相共。
表達 - 08 學校
1 請你用幾下句事拁阿依紹介你个同學阿麗，佢做班長。
阿依，佢係 阿麗，佢係 𠊎人班 个 班長，佢係 𠊎个 好朋友。
2 阿明係正轉學來个同學，䀴佢歸日一個人恬恬，你會用仰子拁佢鬥相共？
𠊎會去 和佢 講事，和佢 做朋友。
3 請你用幾下句事紹介你頭好个朋友。
𠊎 頭好个朋友 係 阿明，佢 真愛 打球，真愛 去 圖書館。
4 若係講有一個同學輒輒欺負你，請問你會仰子處理？
𠊎 會 拁佢講 毋會用 欺負 𠊎，擱會 去拁 先生 講。
5 請你用幾下句事紹介你印象頭深个學校先生。
印象頭深 个 先生 係 客事先生，佢 唱歌 真好聽。
6 這擺若係通過客語認證考試，你愛真感謝麼儕？請用幾下句事對佢表示你个感謝。
𠊎 頭感謝 客事先生，先生 教 𠊎 真多 客事，勞力！
7 今日係教師節，你會拁先生講麼个表示你个感謝？
先生，感謝你 教 𠊎 真多，𠊎 會 認真 學習，勞力！
8 你頭想討做麼个頭路？做麼个想討做這個頭路咧？
𠊎 想討 做 學校先生，因為 會用 教 學生 讀書、打球。
9 你个好朋友阿珍討轉學啊，你想討拁佢講一兜仔麼个事？
阿珍，𠊎 會想你个，愛 相聯絡 哦。
10 你去同學个屋下尞，這下討轉啊，你會仰子拁厥屋下个人講？
𠊎 討轉去啊，真歡喜 來 你 這 尞，有閒 正來𠊎屋下尞。
11 叔婆來屋下尞，討轉去啊，請問你愛仰子講正有禮貌？
叔婆，寬寬行，有閒 正擱來尞 哦。
12 假使會用得你擇，你想討愛有阿弟阿妹？抑係阿哥阿姊？做麼个會按想咧？
𠊎 想討有 阿哥，阿哥 會用 和𠊎 打球。
13 放學了後，你想討留在學校練客語口說藝術，愛先打電話問過屋下人，你會仰子講？
阿依，放學了後，𠊎 想討 留在學校 練 客事 表演，會用無
表達 - 09 人際
1 歇睏日你討和阿珍作垺出去，請拁屋下人講，你討去做麼个？幾時會轉來？
阿依，𠊎 和 阿珍 討去 圖書館，下晝四點 會 轉來。
2 你阿怙得你氣到食毋會落飯。你會仰子拁阿怙會失禮？
阿怙，失禮！得你 氣到食毋會落飯！請毋好 擱 受氣 啊。
3 你个同學上課賞手機，得先生收走啊，心情真毋好，你會仰子拁佢講？
上課 毋會用 賞手機，等下，去拁 先生 回失禮。
4 阿明喊你作垺去䀴電影，你無法度去，愛仰子拁佢講正有禮貌？請講出原因來。
阿明，歹勢，𠊎个 功課 吂 寫好，無法度 和你 去 䀴電影！
5 阿怙想討渡大家出去露營，毋過你个作業猶有真多吂寫好！你愛仰子佮阿怙討論改時間正去咧？
阿怙，歹勢，𠊎个 功課 吂寫好，改後禮拜 正去，會用無
6 你打電話去問阿龍功課，若係阿龍厥依接着，你愛仰子拁佢講咧？
阿姨，你好，𠊎 討尋 阿龍，𠊎討 問 佢 功課。
7 放學轉到屋下，你正發現提着阿秀个聯絡簿啊。請你打電話得佢，你會仰子講？
阿秀，歹勢，𠊎 提着 你个 聯絡簿 啊，等下 𠊎 提去 得你。
8 你拁阿公个花盎打爛去啊，害阿公起性地啊。你會仰子拁阿公回失禮咧？
阿公，失禮，𠊎 拁 你个 花盎 打爛去啊。
9 你打爛先生个杯，現場無人䀴着。事後係愛假做毋知？抑係承認拁先生回失禮？請講出你个選擇和理由。
𠊎 會拁 先生 回失禮，因為 雖然 別儕 毋知，毋過 𠊎自家 知
10 你个同學面面上有飯粒，你會仰子拁佢講？
你个 面面上 有 飯粒 哦，在這。
11 你今日上課傷慢到位啊，現場愛仰子拁先生說明正毋會失禮？
先生，歹勢，𠊎 傷慢來啊，因為 𠊎 睡過頭 啊。
12 請你用幾下句事講出你感覺真見笑个一件事情。
有一擺，𠊎 睡過頭，傷慢 去學校，實在 真見笑。
13 你䀴着你个同學个褲後背爛一大空，你愛仰子提醒佢正毋會得佢傷過否勢咧？
𠊎 會 細聲 拁佢講，褲後背 爛一大空。
14 你轉屋下無抸着鎖匙，你會仰子處理咧？
𠊎會去 屋邊 借電話，打電話 拁阿依講。
15 這站無䀴着阿公啊，討打電話拁阿公問好，你會仰子講？請頭少愛講三句事。
阿公，真久無䀴着你 啊，你 這站好無？𠊎 真想你！